Policia ka identifikuar dhe shpallur në kërkim autorin e plagosjes së 51-vjeçarit, Agim Jazaj, ngjarje e ndodhur sot pranë xhamisë "Xhura" në Tiranë.
"Blutë" bëjnë me dije se autori i dyshuar është shtetasi 36-vjeçar Saimir Xhafa. Policia ofron 5 mijë euro për çdo informacion të vlefshëm që do të çojë në kapjen e autorit.
Në një njoftim të dytë Policia bën me dije se:
Lidhur me ngjarjen e ndodhur pak më parë, në afërsi të xhamisë "Xhura", shërbimet e Policisë pas kryerjes së veprimeve të para hetimore, bënë të mundur identifikimin dhe shpalljen në kërkim të autorit të dyshuar të ngjarjes, shtetasit Saimir Xhafa, i ditëlindjes 04.01.1988, banues në Tiranë. DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit. Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.
Në njoftimin paraprak mbi ngjarjen thuhej:
Më datë 01.01.2024, në afërsi të xhamisë "Xhura", dyshohet se shtetasi S. Xh., ka plagosur me armë zjarri shtetasin A. J., rreth 51 vjeç, i cili ndodhet në spital, nën kujdesin e mjekëve. Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit. Grupi hetimor ka zbardhur dhe dokumentuar të gjithë mekanizmin e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
