Drejtori i CIA-s William J. Burns është takuar ballë për ballë me udhëheqësin më të lartë taleban në Kabul sipas dy zyrtarëve amerikanë.
Administrata e Joe Biden ka qenë në kontakt të rregullt me zyrtarët talebanë gjatë gjithë procesit të evakuimit, si në terren në Afganistan ashtu edhe në Doha, Katar.
Por takimi i fshehtë, i raportuar për herë të parë të martën nga The Washington Post, midis Burns dhe bashkëthemeluesit dhe nënkryetarit të talebanëve Abdul Ghani Baradar përbën shkëmbimin e drejtpërdrejtë të pikëpamjeve të nivelit më të lartë që kur grupi militant mori kontrollin e kryeqytetit.
Zyrtari amerikan nënvizon gjithashtu se kanë nevojë të kuptojnë më qartë pikëpamjet e talebanëve në disa çështje, ndërsa po afrohet ora drejt afatit të 31 gushtit për të tërhequr trupat nga vendi.
Ai i tha CNN se takimi u zhvillua nën drejtimin e Presidentit Biden, i cili pasqyron pikëpamjen brenda administratës dhe se Burns është diplomati më i sprovuar dhe një nga veteranët më të besuar në ekipin e Biden.
Një zyrtar tjetër e quajti takimin "një shkëmbim pikëpamjesh mbi atë që duhet të ndodhë" deri më 31 gusht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
