Pas Islandës, Zvicra: Njëqind njerëz në Alpet Zvicerane mbajnë "funeralin" e një akullnaje "të vdekur", viktimë, si mijëra akullnajat në botë, e ngrohjes globale, e ndryshimit të klimës. Një demonstrim, i cili përkoi me Forumin e Klimës në Nju-Jork me Greta Thunberg. Formacioni në fjalë qëndroi në 2700 metra lartësi në Pizol, në kantonin e Shën Gallen, afër kufirit me Austrinë dhe Lichtenstein.
"Pizol ka humbur aq shumë akull saqë, nga pikëpamja shkencore, nuk është më akullnajë", shpjegoi Alessandra Digiacomi, aktiviste e Shoqatës Zvicerane për Mbrojtjen e Klimës, e cila organizoi marshimin dhe “vëzhgimin” e Forumit për Klimën.
Funerali i parë u bë në gusht në Islandë, në shtratin e akullnajës Okjokull, e cila e mbështillte vullkanin homonim si një shall. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
