Korporata e Investimeve Shqiptare ka njoftuar zyrtarisht anulimin e procedurës konkurruese për ndërtimin e godinës së re të Bibliotekës Kombëtare, e planifikuar të ndërtohej në rrugën “Gramoz Pashko” në Tiranë, në zonën e njohur si ish-“Vilat gjermane”.
Sipas njoftimit të Korporatës së Investimeve Shqiptare, arsyeja e anulimit lidhet me numrin e pamjaftueshëm të aplikimeve të dorëzuara në Fazën e Parë të procedurës konkurruese, e cila u hap më 13 mars 2025.
Procedura parashikonte përzgjedhjen e një partneri privat për realizimin e projektit multi-funksional, që do të përfshinte ndërtimin e Bibliotekës së re në një sipërfaqe prej 27 mijë metrash katrorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
