Të paktën 18 palestinezë janë vrarë pasi një sulm me dron izraelit shënjestroi një njësi policore të Hamasit që përpiqej të merrte kontrollin mbi një treg në qytetin Deir al-Balah në Gazën qendrore.
Dëshmitarët okularë thanë se dronët izraelitë qëlluan drejt anëtarëve të një force policore të Hamasit, të veshur me rroba civile dhe me maska, të cilët po përballeshin me shitësit që i akuzuan për rritje çmimesh dhe shitje mallrash të plaçkitura nga kamionët e ndihmave.
Ministria e Brendshme dënoi sulmin, duke akuzuar Izraelin për kryerjen e një krimi të ri kundër një njësie policore të ngarkuar me ruajtjen e rendit publik.
Kryeministri izraelit Benjamin Netanyahu akuzoi të enjten Hamasin se ka vjedhur ndihmat humanitare në Gazën veriore, ndërsa i dha ushtrisë dy ditë kohë për të hartuar një "plan veprimi" për ta parandaluar këtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
