Guvernatori Sejko deklaron se bankat kanë rol të rëndësishëm për të luajtur në luftën kundër informalitetit në ekonomi. Në koferencën e Shoqatës së Bankave, Gent Sejko tha gjithashtu se situata ekonomike është e shëndetshme.
“Situata aktuale është e ndryshme nga ajo e disa viteve më parë. Treguesi i kredive me probleme po ulet, bilancet e sistemit janë sot të vlefshme dhe çmimet e kreditit janë ulur sot në nivele historike. Gjashtë mujori i parë i vitit 2016 e gjen sistemin bankar më të suksesshëm. Kemi arritur rezultate konkrete, gjendja financiare paraqitet sot më e shëndetshme. Ka ardhur momenti që kredidhënia të zërë vendin që i takon dhe kjo kërkon përkushtim. Sistemet bankare të pazhvilluara krijojnë çrregullime në stabilitetin e vendin. Revolucioni i madh teknologjik ka eliminuar barrierat fizike. Përfshirja dhe edukimi financiar janë dy sfidat tjera në sistemin tonë, që duhen zhvilluar më tej. Roli i bankave është mjaft i rëndësishëm dhe i pazëvendësueshëm për sa i përket kreditimit financiar. Informaliteti, rrezik serioz për stabilitetin ekonomik të vendit. Roli i sistemit bankar është tejet i rëndësishëm, sa i takon bilanceve të kompanive. Reforma ndaj informalitetit është ndër më prioritaret të qeverisë, ne do ofrojmë ndihmesë. Mbështetja e BSH do jetë e pakufizuar në këtë drejtim. Bashkëpunimi do thellohet më tej mes ekzekutivit dhe bankave”, tha ndër të tjera Sejko. Sipas planit të masave të firmosur mes qeverisë dhe bankave, nga 1 janar 2018 nuk do të pranohen më nga bankat bilance false gjatë aplikimeve të kompanive për kredi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
