Ukraina nuk është e frikësuar. Ukraina nuk mund të ndalet. Terroristët duhet të neutralizohen. Le ta bëjmë fushën e betejës edhe më të dhimbshme për armikun. Ne do të rivendosim gjithçka që u shkatërrua.
Kështu deklaroi presidenti ukrainas Volodymyr Zelensky në video-mesazhin e tij të zakonshëm të mbrëmjes në Telegram, këtë herë të xhiruar në rrugë.
Më pas Zelensky ftoi ukrainasit që të ndjekin rregullat e sigurisë dhe t'i kushtojnë vëmendje paralajmërimeve ajrore.
“Rreziku ekziston ende. Por ne po luftojmë. Falënderoj njësitë tona të Forcave Ajrore dhe të Forcave Tokësore që u përfshinë sot", shtoi ai, duke raportuar se nga 84 raketat ruse të lëshuara kundër Ukrainës, 43 janë shkatërruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
