Një këshilltar i administratës së Presidentit Zelensky tha të dielën se Rusia po përpiqet të shpopullojë Ukrainën Lindore, ndërkohë që në këtë rajon vijojnë të zhvillohen luftime të ashpra.
Duke folur për CNN Tymofiy Mylovanov tha:
Unë mendoj se mesazhi që ata po dërgojnë është shumë i qartë. Nëse dorëzoheni, si Krimea në 2014-ën, asgjë nuk do të ndodhë me ju. Nëse rezistoni, si Donbasi, si lindja e Ukrainës, do të shkatërroheni. Nuk ka rëndësi nëse jeni ushtarak apo civil. Pra, mesazhi që Rusia po dërgon është, dorëzohu ose do zhdukesh”.
Kur u pyet për shpresën që Ukraina ende po pret për një vizitë nga presidenti amerikan Joe Biden, Mylovanov tha se Biden duhet të shkojë në Kiev pasi kjo do të ndihmonte në demoralizimin e trupave ruse dhe izolimin e mëtejshëm të Moskës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
