Ziu: Korrupsioni, lufta ime. Jam njeriu që gjurmoi për herë të parë aferën e inceneratorëve

<p>Marinela Ziu, kandidate e Koalicionit Euroatlantik në qarkun e Korçës, thotë se lufta kundër korrupsionit do të jetë sfida e saj dhe forcës politike që përfaqëson. Ziu tha në studion e MCN Informacion se korrupsioni është arsyeja pse Shqipëria është ende vendi më i varfër i Europës.</p> <blockquote> <p><em>Kam mbaruar studimet për drejtësi. Jam eksperte për çështjet e antikorrupsionit. Në PD jam rritur që fëmijë. Kam qenë drejtuese e zyrës antikorrupsion në PD. Jam njeriu që ka gjurmuar për herë të parë aferën e shekullit, atë të inceneratorëve. Kam qenë këshilltare ligjore në PD. </em></p> <p><em>Unë besoj fort që një nga arsyet kryesore pse Shqipëria është këtu është korrupsioni. KLSH ka mekanizmat e veta, por nuk mund të kapen të gjitha shkeljet dhe abuzimet. Ne jemi vendi më i varfër në Europë dhe rajon dhe arsyeja është korrupsioni. Ne kemi një plan të qartë në fushën e antikorrupsionit. </em></p> <p><em>Mendoj se deputetët nuk duhet të kenë imunitet. Kemi parë rastet si ai i zotit Ahmetaj. </em></p> </blockquote>