Më shumë se 180 milionë fëmijë rrezikojnë pasoja serioze për shkak të mungesës së një diete ushqyese dhe të larmishme. Kjo është ajo që paralajmëron Unicef përmes një raporti.
“Një numër tronditës i fëmijëve mbijetojnë me një dietë shumë të varfër, duke konsumuar produkte nga dy ose më pak grupe ushqimore", tha për AFP Harriet Torlesse, një nga autoret e raportit të botuar të mërkurën në mbrëmje.
Sipas rekomandimeve të Fondit të Kombeve të Bashkuara për Fëmijët, fëmijët e vegjël duhet të konsumojnë çdo ditë ushqime nga të paktën pesë grupe ushqimore.
Por 440 milionë fëmijë nën moshën 5 vjeç (ose 66%) që jetojnë në rreth njëqind vende me të ardhura të ulëta dhe të mesme të shqyrtuara nuk kanë akses në këto pesë grupe çdo ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
