Ngrënia e ushqimeve ultra të përpunuara rrit rrezikun e zhvillimit ose vdekjes nga dhjetëra kushte të pafavorshme shëndetësore, sipas një rishikimi të ri të 45 meta-analizave në pothuajse 10 milionë njerëz.
"Ne gjetëm prova të qëndrueshme që lidhin marrjen më të lartë të ushqimeve ultra të përpunuara me mbi 70% të 45 rezultateve të ndryshme shëndetësore që vlerësuam," tha autori Wolfgang Marx, një studiues i lartë në Qendrën e Ushqimit në Universitetin Deakin në Geelong, Australi.
“Dëshmitë e forta tregojnë se një konsum më i lartë i ushqimeve ultra të përpunuara shoqërohej me afërsisht 50% rrezik më të lartë të vdekjes së lidhur me sëmundjet kardiovaskulare dhe çrregullimeve mendore të zakonshme”, tha autori kryesor Dr. Melissa Lane.
Sëmundjet kardiovaskulare përfshijnë sulmet në zemër, goditjet në tru, arteriet e bllokuara dhe sëmundjet e arterieve periferike.
Sipas studimit të botuar të mërkurën në revistën The BMJ, kishte prova bindëse se një konsum i lartë kundrejt ushqimeve ultra të përpunuara mund të rriste rrezikun e ankthit deri në 53% dhe rrezikun e një vdekjeje të hershme nga çdo shkak.
“Ushqimet e përpunuara janë të larta në kalori, sheqer të shtuar, natrium dhe me pak fibra. Të gjitha këto tashmë dihet se kontribuojnë në rezultatet e shëndetit kardiometabolik, shtimin në peshë, obezitetin, diabetin e tipit 2 dhe hipertensionin."
Studiuesit gjetën prova shumë sugjeruese se ngrënia e më shumë ushqimeve të përpunuara rrit rrezikun e obezitetit me 55%, çrregullimet e gjumit me 41%, zhvillimin e diabetit të tipit 2 me 40% dhe rrezikun e depresionit me 20%.
Përveç kësaj, studimi gjeti vetëm prova sugjeruese ose aspak për një lidhje midis ushqimeve të përpunuara dhe kancerit. Kjo është befasuese, sipas Zhang, i cili ka hulumtuar rolin e ushqimeve ultra të përpunuara dhe kancerit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
