Autoritetet ukrainase kanë denoncuar zbulimin e 25 dhomave të torturës pranë qytetit të Kharkiv në Ukrainë, të çliruar së fundmi pas disa muajsh pushtimi rus.
Kreu i policisë rajonale, Volodimir Tymoshko, raportoi në Facebook zbulimin e këtyre qelive ku rusët dyshohet se mbanin civilë ukrainas në kushte çnjerëzore.
Rajoni i Kharkiv u mbajt i pushtuar nga forcat ruse për muaj të tërë, derisa në fillim të shtatorit, trupat ukrainase arritën të rimarrin kontrollin dhe ta çlirojnë atë.
Pas tërheqjes së trupave ruse, sipas të dhënave nga policia rajonale, u raportua zbulimi i varreve masive me trupat e rreth 920 civilëve, duke përfshirë 25 fëmijë.
Rreth 450 prej trupave janë zhvarrosur dhe identifikuar dhe hetimet në zonë janë ende në vazhdim.
Që nga fillimi i pushtimit rus më 24 shkurt, autoritetet ukrainase kanë dokumentuar varreza masive, dhomat e torturës dhe qendrat e paraburgimit në kushte çnjerëzore në rajone të tjera të çliruara.
Rastet më të fundit ishin zbuluar në Kherson, Jug-Lindje, me zbulimin e një varri masiv ku disa kufoma tregonin shenja torture.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
