Deri në fund të vitit, Facebook duhet të përmbushë kërkesën për transparencë në kushtet e përdorimit dhe shërbimet që ofrohen për përdoruesit e tij. Në të kundërt, Komisioni i BE-së do t'u kërkojë autoriteteve të mbrojtjes së konsumatorit të ndërhyjnë me sanksione. Ultimatumi i lëshuar nga Komisioneri i BE për Drejtësi, Vera Jourová, pasi konstatimit se, në lidhje me angazhimet e marra shkurtin e kaluar nga Google, Tëitter, dhe tani edhe nga Airbnb, Facebook është i vetmi që ka shënuar progres të kufizuar.
"Durimi im ka arritur kulmin", paralajmëroi Jourová. “Kjo po vijon prej kohësh dhe tani është momenti për veprime konkrete dhe jo thjesht premtime", ndryshe "në qoftë se ndryshimet e kërkuara nuk do të zbatohen deri në fund të vitit, u bëj apel autoriteteve të konsumatorëve të veprojnë sa më shpejt për të sanksionuar kompaninë”, ka thënë ajo.
Në veçanti, Brukseli kundërshton platformën për kushtet e reja të shërbimit të paraqitura në prill, të cilat përmbajnë një "paraqitje mashtruese të karakteristikave kryesore të shërbimeve".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
