Partia Demokratike ka paralajmëruar për sot bllokimin e disa pikave kyçe të akseve ndërlidhëse të vendit. Mbështetësit e Pd-së pritet të mblidhen në pesë pika të vendir rreth orës 11:00 për të protestuar për rreth 1 orë.
Për të gjitha pikat ku do të protestohet, PD-jaka vendosur në krye të mbështetësve disa prej deputetëve të saj.
Kështu, në Rotondën e Plugut në krye të protestuesve do të jetë Arben Ristani. Në Rotondën e Bradasheshit do të jetë Edmond Spaho. Në Rotondën e Milotit do të jetë Aldo Bumçi. Në hyrje të Tiranës, në sheshin “Shqiponja” do të jetë Edi Paloka, ndërsa pranë mbiklaimit të Shkollës Teknologjike do të jetë Flamur Noka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
