Fotoja simbol/ Vogëlushja ukrainase feston ditëlindjen mbi varrin e të atit të vrarë në luftë

Babai vdiq në luftën kundër rusëve dhe ajo festoi ditëlindjen e saj të parë në varrin e tij.

Fotografia e shpërndarë në rrjetet sociale nga Ministria e Mbrojtjes e Ukrainës tregon vajzën e vogël ukrainase, të ushtarit të vrarë në luftë Vladislav Soldatov, pjesë e Brigadës 93 Kholodny Yar. Një fotografi simbol e luftës në Ukrainë, e cila po bën xhiron e rrjeteve sociale në të gjithë botën.

Kjo vajzë e vogël feston ditëlindjen në varrin e babait të saj, një ushtar i Brigadës 93, i vrarë në luftë.

Mijëra fëmijë nuk presin më që prindërit e tyre të kthehen nga lufta. Mbështetni Ukrainën për t’u dhënë shpresë miliona njerëzve dhe fëmijëve që janë ende në pritje.

Kështu thuhet në mesazhin që shoqëron fotografinë e publikuar në rrjetet sociale nga Ministria e Mbrojtjes.

Vogëlushja ka veshur një fustan rozë dhe në këmbët e saj ka një pjatë me ushqime dhe një gotë me ujë.

Nëna e vogëlushes Olena, tha se pikëllimi i saj nuk mund të përshkruhet me fjalë.

Zemra ime është copëtuar. Ne i sollëm mëngjesin që të kalonin një moment së bashku.