Një prezantues i njohur në Itali ka rënë pre e grabitësve të shtëpive. Shtëpia e Roby Facchinetti-t në Bergamo është vjedhur gjatë orëve të paradites të së hënës, kohë kur brenda ndodheshin i zoti i shtëpisë, vajza e tij, dhëndri dhe nipi i vogël.
Në momentin që janë pikasur nga dhëndri, grabitësit e kanë dhunuar atë dhe janë larguar menjëherë.
Djali i të zotit të shtëpisë, gjithashtu i njohur në Itali, Francesco Facchinetti, e ka publikuar këtë fakt në rrjetet sociale ku ka lëshuar paralajmërimin se nëse dikush tenton të hyjë sërish në shtëpinë e tij, aty e pret më e keqja.
“Do të blej një arsenal armësh. Nëse dikush guxon të hyjë në shtëpinë time, ku kam fëmijët, nuk ka shanse të dalë i gjallë”, shkruan ai.
“Mjaft më, nuk duroj më shumë se kaq. Dje rreth orës 11:30, në shtëpinë e tim eti hyri një përbindësh. Aty jetojnë edhe vëllezërit e mi, motra me dhëndrin dhe fëmija i tyre i vogël. Ky përbindësh 2 metra i gjatë u përpoq të vidhte, por kur u zbulua, dhunoi dhëndrin tim dhe ia mbathi”, shkruan ai më tej.
Facchineti, i cili është prezantues dhe këngëtar i grupit “Pooh”, u është përgjigjur edhe atyre që e shohin sit ë tepruar reagimin e tij: Për puritanët që fshihen pas tastierës, më tregoni si duhet të reagoj pasi t’u kenë hyrë në shtëpitë tuaja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
