Theresa May do të takojë dhe do të bisedojë me liderë të Francës dhe të Gjermanisë, 4 ditë para daljes së Mbretërisë së Bashkuar nga BE-ja.
Znj. May do të takojë Angela Merkel në Berlin dhe në vijim Emmanuel Macron në Paris, për t’i nxituar që ta mbështesin në kërkesën e saj për ta shtyrë sërish Brexit-in gjer më 30 qershor.
Gjer tani, deputetët i kanë refuzuar marrëveshjet që Theresa May ka arritur me liderët e BE-së, të cilët tashmë duan të dinë se cili do të jetë plani B i saj, nëse do të ketë një të tillë. Ata, gjithashtu, duan të dinë se, nëse i thonë po shtyrjes së Brexit-it, për çfarë do të përdoret kjo shtyrje.
Gjithsesi, besohet se liderët e BE-së nuk do ta refuzojnë shtyrjen e mëtejshme të Brexit-it.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
