Agron Hysenlliu, kreu i Institutit të Ndërtimit ka ndërruar jetë këtë mëngjes në Spitalin Infektiv, pranë QSUT. Hysenlliu nuk ka mundur t’i mbijetojë virusit Covid 19, prej të cilit ndodhej i shtruar prej ditësh në spital, duke marrë trajtim në terapi intensive.
Hysenlliu ka qenë më së shumti aktiv gjatë vitit të fundit, pas tërmetit të 26 nëntorit, ku ka organizuar të gjtihë punën për rivlerësimin e banesave të dëmtuara nga lëkundjet e forta sizmike.
Me një eksperiencë prej 35 vitesh në fushën e projektimit, zbatimit, kolaudimit dhe supervizimit në fushën e ndërtimit, Hysenlliu ishte projektues i 40 veprave ndërtimore në Shqipëri, 4 prej të cilave në Kosovë e 4 në Maqedoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
