Një zyrtar i lartë i Hamasit ka thënë se ai pret që Izraeli dhe militantët e Gazës të arrijnë një armëpushim “brenda një ose dy ditësh”, ndërsa sulmet ndërkufitare vazhdojnë.
Por kryeministri izraelit Benjamin Netanyahu tha të mërkurën se ai ishte “i vendosur të vazhdonte” derisa “qetësia dhe siguria të rivendosen te qytetarët izraelitë”.
Kishte më shumë se 100 sulme ajrore izraelite në infrastrukturën e Hamasit në veri të Gazës herët të enjten. Militantët palestinezë u hakmorën me raketa në objektiva në Izrael.
Luftimet në Gaza filluan pas disa javësh të rritjes së tensionit izraelito-palestinez në Jeruzalemin Lindor të pushtuar që kulmuan me përplasjet në një vend të shenjtë të nderuar nga myslimanët dhe hebrejtë.
Hamasi, i cili kontrollon Gazën, filloi të qëllonte me raketa pasi paralajmëroi Izraelin të tërhiqej nga vendi, duke shkaktuar sulme ajrore hakmarrëse.
Të paktën 227 njerëz, përfshirë më shumë se 100 gra dhe fëmijë, janë vrarë deri më tani në Gaza, sipas Ministrisë të Shëndetësisë. Izraeli ka thënë të paktën 150 militantë janë midis atyre që u vranë në Gaza. Hamas nuk jep shifra të viktimave ndër luftëtarët.
Në Izrael 12 njerëz, përfshirë dy fëmijë, janë vrarë, thotë shërbimi mjekësor. Izraeli thotë se rreth 4 000 raketa janë qëlluar drejt territorit të tij nga militantët në Gaza.
“Unë mendoj se përpjekjet e vazhdueshme në lidhje me armëpushimin do të kenë sukses”, tha zyrtari politik i Hamasit, Moussa Abu Marzouk, për TV al-Mayadeen të Libanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
