Neurone të paprekura u gjetën në trurin e vetrifikuar të një viktime të shpërthimit që daton në vitin 79 të erës së re në Pompei. Zbulimi është bërë nga studiuesit e universitetit Federico II, Cnr, Ceinge-Advanced Biotechnology, Roma Tre dhe Universiteti Shtetëror i Milanos. Gjetjet janë publikuar në revistën Plos One.
Studimi u krye nga ekipi kërkimor i koordinuar nga antropologu mjeko-ligjor Pier Paolo Petrone, shefi i Laboratorit të Osteobiologjisë Njerëzore dhe Antropologjisë Ligjore në Departamentin e Mjekësisë Ligjore të Universitetit të Napolit Federico II, në bashkëpunim me gjeologë, arkeologë, biologë, neurogjenetistë dhe matematikanë, të cilët kanë arritur "rezultatin pavarësisht nga kufizimet e vendosura nga Covid-19", nënvizon një shënim. "Zbulimi i indeve të trurit në mbetjet e lashta njerëzore është një ngjarje e pazakontë - shpjegon Petrone - por ajo që është jashtëzakonisht e rrallë është ruajtja integrale e strukturave neuronale të një sistemi nervor qendror të 2000 viteve më parë, në rastin tonë me një rezolucion të paparë" .
Shpërthimi, i cili shkaktoi shkatërrimin e zonës rreth vullkanit Vezuv dhe vdekjen e mijëra banorëve, duke varrosur qytetin e Herkulaneumit për disa orë, ka lejuar ruajtjen e mbetjeve biologjike, përfshirë ato njerëzore. "Rezultatet e studimit tonë - shton Petrone - tregojnë se procesi i qelqëzimit i shkaktuar nga shpërthimi, unik në llojin e tij, ka ngrirë strukturat qelizore të sistemit nervor qendror të kësaj viktime, duke i ruajtur ato të paprekura deri më sot".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
