Një avokat u arrestua sot në Tiranë, pasi akuzohet se ka ushtruan ndikim të paligjshëm për dhënien e një vendimi. Nga policia mësohet se shërbimet e Komisariatit të Policisë nr.3, ka bërë të mundur kapjen e shtetasit Preng Lleshaj, 66 vjeç , lindur në Pukë dhe banues në Tiranë, me profesion avokat. Ndaj tij, Prokuroria e Rrethit Gjyqësor Lezhë, ka dërguar urdhërin për ekzekutimin e vendimit penal nr 217, datë 19.05.2016 , të Gjykatës së Rrethit Gjyqësor Lezhë e cila ka caktuar masën e sigurisë "Arrest me burg", për veprën penale "Ushtrimi i ndikimit te paligjshëm ndaj personave që ushtrojnë funksione publike", parashikuar nga neni 245/2 i Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
