Kryeministri grek, Alexis Tsipras, njoftoi të dielën se ai do të thërrasë një votëbesim për qeverinë e tij, pasi partneri i tij në koalicionit u largua për shkak të mosmarrëveshjes së çështjes së emrit të Maqedonisë. Panos Kammenos, partia e të cilit, Grekët e Pavarur, ishte pjesë e qeverisë “Tsipras”, njoftoi dorëheqjen e tij të dielën në mëngjes pas një takimi me kryeministrin.
"Çështja e emrit të Maqedonisë ... nuk më lejon të mos e sakrifikoj karrigen e ministrit", tha Kammenos.
Ai shtoi se ministrat e tjerë të partisë do të largohen gjithashtu.
Ndërsa kryeministri Tspiras u tha gazetarëve pas takimit se e ka njoftuar kreun e parlamentit se pas largimit të aleatëve do të ndiqet rruga që parashikon Kushtetuta.
Votimi pritet të mbahet gjatë javës që nis nesër. Kammenos ka deklaruar tashmë se Grekët e Pavarur nuk do ta mbështesin partinë në pushtet, Syriza.
Greqia ka zgjedhje parlamentare të planifikuara për në tetor dhe Syriza aktualisht po i mban shpresat te partia e qendrës së djathtë, Demokracia e Re, e cila gjithashtu kundërshton marrëveshjen me Maqedoninë për çështjen e emrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
