India ka zbuluar rrënojat e një nëndetëseje pakistaneze e cila u fundos në brigjet e saj lindore gjatë luftës së vitit 1971 midis vendeve fqinje, raportuan mediat lokale të premten.
Nëndetësja PNS Ghazi u gjet nga një mjet shpëtimi i marinës indiane, në një thellësi prej rreth 100 metrash rreth 2 km larg bregut lindor të vendit.
Marina ka vendosur të mos e prekë nëndetësen në respekt për jetët e humbura.
Mbytja e Ghazit më 4 dhjetor 1971 konsiderohet një ngjarje e rëndësishme në luftën që përfundoi me Pakistanin e atëhershëm Lindor duke u bërë shteti i pavarur i Bangladeshit.
Bashkimi Sovjetik mbajti anën e Indisë në luftë pasi vendet nënshkruan traktatin e “Paqes dhe Miqësisë”, ndërsa SHBA dhe Britania e Madhe u rreshtuan me Pakistanin.
Ghazi u dërgua nga Karaçi, Pakistan, më 14 nëntor 1971 dhe përshkoi 4800 km rreth gadishullit Indian për të arritur në brigjet e Vizag, një qytet port në shtetin Andhra Pradesh të Indisë jugore.
Nëndetësja u ndërtua fillimisht si USS Diablo për Marinën e SHBA në 1944 përpara se të huazohej në Pakistan në 1963.
Anija thuhet se ishte dërguar për të hedhur mina në bregun lindor të Indisë dhe gjithashtu kishte për qëllim të shkatërronte INS Vikrant, aeroplanmbajtësen e parë të Nju Delhit.
Por ajo u fundos përpara se të arrinte ndonjë nga këto objektiva.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
