Presidenti i Parlamentit Europian, Antonio Tajani, thotë se Mali i Zi dhe Serbia do të jenë fatlumët e radhës për procesin e pranimit në BE. Vetëm pak orë para vizitës që do të zhvillojë nesër në Beograd, Tajani në një intervistë u shpreh se Mali i Zi dhe Serbia mund të jenë gati për pranimin në BE deri në vitin 2025.
“Ballkani Perëndimor ka një perspektivë të qartë dhe të besueshme europiane, por gjithashtu edhe mbështetjen e Parlamentit Europian në këtë proces. Por topi është në fushën e tyre. Duhet bërë progres në fushat si sundimi i ligjit, drejtësia dhe të drejtat themelore në të dy vendet. Mendoj se të dyja mund të jenë gati në vitin 2025. Nëse ka vullnet, rruga është e hapur”, tha ai.
Tajani do të vizitojë nesër Beogradin, ku do të takohet me kryetaren e Asamblesë Kombëtare, Maja Gojkoviç; kryeministren Ana Brnabiç, presidentin Aleksandar Vuçiç dhe ministrin e Jashtëm, Ivica Daçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
