Ish-kryetarja e Bashkisë së Përrenjasit është kallëzuar penalisht për shpërdorim detyre.
Miranda Rira, e cila ishte në krye të Bashkisë së Përrenjasit si përfaqësuese e LSI-së, është kallëzuar në prokurori nga kreu aktual i kësaj bashkie, Nuri Belba.
Ajo akuzohet për shpërdorim detyre në lidhje me tenderimin e ndërtimit të fushës së re të sportit në qytetin e Përrenjasit.
“Unë, Nuri Belba në cilësinë e kryetarit të Bashkisë Prrenjas bazuar në nenin 248 të Kodit Penal, parashtroj këtë kallëzim penal për ish-kryetaren e Bashkisë Prrenjas znj. Miranda Rira, për veprën penale “Shpërdorimi i detyrës”, duke parashtruar rrethanat e fakteve konkrete ku bazohet kallëzimi si dhe dispozitat ligjore penale të cënuara”, thuhet mes të tjerash në dokument.
Fill pas këtij kallëzimi, ka reaguar ish- kryebashkiakja Rira, e cila përmes një statusi në rrjetin social ka hedhur akuza në drejtim të Nuri Belbës si dhe ka treguar një dokument në lidhje me tenderimin e fushës së re të sportit në Përrenjas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
