Gazetari Albi Xhunga në një lidhje nga Brukseli, për drekën e punës së thirru nga Presidentja e Komisionit Europian, Ursula Von der Leyen, me liderët e vendeve të Ballkanit Perëndimor, bëri të ditur se të pranishëm janë të gjithë liderët e rajonit, ku Serbia përfaqësohet nga Presidenti, ndërsa shtete të tjera me kryeministrat.
Duke folur për edicionin e lajmeve të MCN TV, Xhunga tha se Von Der Leyen, do të sigurojë rajonin e Ballkanit Perëndimor për vëmendjen në këtë cep të Europës, duke pasur parasysh influencat ruse.
Përpiqet të sigurojë se Europa i ka sytë aty dhe po investon në Ballkanin Perëndimor, kam këtu parasysh paketën prej 6 miliardë eurosh.
Duan të sigurohen se vendet e Ballkanit Perëndimor se do të kenë vëmendjen e BE. Procesi i zgjerimit është në ngërç.
Vendeve të Ballkanit Perëndimor iu është premtuar integrimi që në vitin 2003, në samitin e Selanikut.
Sot kanë kaluar dy dekada dhe procesi është në ngërç, vendet e Ballkanit Perëndimor nuk janë në gjendje të anëtarësohen me anë të procedurave normale.
Kemi pasur një qasje tjetër të Bashkimit Europian nën drejtimin e Von der Leyen, kemi pasur një datë vitin 2030, kur vendet e Ballkanit Perëndimor mund të anëtarësohen në BE.
Shqipëria i ka hapur negociatat prej dy dekadash dhe nuk ka hapur asnjë kapitull të vetëm.
Europa nën drejtimin e Von der Leyen përpiqet që me anë të mekanizmave të tjerë të ruajë konkurrencën e vendeve të Ballkanit Perëndimor, duke mos u lënë vend vendeve si Kina dhe Rusia.
Kemi fondin prej 6 miliardë euro për vendet e Ballkanit Perëndimor që të plotësojnë kushtet e tyre. Bashkimi Europian ka vënë kushte për reforma të caktuara.
Ne nuk e dimë se çfarë reformash ka bërë Shqipëria. Jam pesimist sa i takon anëtarësimit se nuk shikoj hapa konkrete nga vendet e Ballkanit Perëndimor, qoftë dhe nga Shqipëria.
Serbia dhe Mali i Zi i kanë hapur negociatat në 2010 dhe 2012. Po të presim që rajoni të plotësojë kushtet e plota, duhet të presim gjatë.
Nuk po shohim as Ballkanin Perëndimor që të mbyllë njërin sy.
Ndërsa deklaratat e kryeministrit Rama me përfaqësuesit e organeve të Bashkimit Europian, janë populiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
