Zelanda e Re ka mirëpritur Vitin e ri 2018 me një super spektakël fishekziarresh nga maja e kullës 328 metra “Sky Tower” në Auckland.
Mijëra banorë dhe turistë mbushën rrugët e qytetit për të parë festivalin e dritave, që i dhanë ngjyrë minutave të para të Vitit të Ri mbi portin e qytetit.
Si për çdo vit, mesnata ka kaluar në Samoa, Tonga dhe Ishullin e Kiribatit, që janë të parat vende që mirëpritën Vitin e Ri. Qytetarë nga këto vend kanë shijuar spektaklin e magjishëm të fishekzjarrëve.
Këta ishuj të vegjël të Paqësorit, pa bujë përcjellin të parët vitin e vjetër për t’i lënë fishekzjarret dhe zhurmën Zelandës së Re, shteti i parë i madh që feston mbërritjen e Vitit të Ri. Më interesantja e Vitit të Ri në Samoa është fakti se një person mund të bëjë një udhëtim 1-orësh me avion për në Samoan Amerikane, që është në anën tjetër të kufirit mes viteve dhe ta festojë Vitin e Ri dy herë, 12 orë më vonë.
Pas Zelandës viti i ri ka mbëritur edhe në Australi ku qielli i natës ishte i ndezur me të gjitha ngjyrat e ylberit, ndërsa mijëra fishekzjarre shpërthyen në të dy anët e Urës së Harbour.
Mijëra të pranishëm ndoqën festivalin e fishekziareve që ndriçuan qellin e Sidneit duke i dhënë akoma më shumë zbukurim panoramës festive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
