Uashingtoni beson se Kina e bindi Presidentin rus Vladimir Putin që të mos përdorë armë bërthamore në luftën kundër Ukrainës.
Një deklaratë e tillë është bërë nga Sekretari amerikan i Shtetit në largim, Antony Blinken, në një intervistë me Financial Times.
“Ne kemi arsye të besojmë se Kina iu afrua Rusisë dhe tha: Mos e provo diçka të tillë”, tha Blinken në përgjigje të një pyetjeje në lidhje me kërcënimet bërthamore të Presidentit Putin.
Shtetet e Bashkuara të Amerikës ishin shumë të shqetësuara sepse Putini dukej se po shqyrtonte opsionin bërthamor, kujtoi Blinken.
Edhe nëse mundësia shkon nga pesë në 15 për qind, kur bëhet fjalë për armët bërthamore nuk ka asgjë më serioze se kaq.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
