Dy persona janë lënduar pasi janë goditur nga një gomone në plazhin e Jalës.
Sipas korrespodentit të MCN tv, ngjarja ka ndodhur mesditën e sotme, teksa mjeti lundrues po dilte nga deti.
Mësohet se gomonia ka dëmtuar dy pushues, një çift, të cilët kanë qenë në breg.
Dy personat gjenden në spitalin e Himarës duke marr mjekime.
Himarë/Informacion paraprak
Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën.
Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
