Sali Berisha dhe Lulzim Basha pritet të paraqiten në organin e akuzës në ditët në vijim. Ish-lideri i PD-së dhe kryetari aktual do të japin deklarime në cilësinë e personave që kanë dijeni mbi çështjen.
Dy ditë më parë, vetëm pak orë pas protestës në selinë blu, Policia e Shtetit njoftoi se nën drejtimin e Prokurorisë së Rrethit Gjyqësor Tiranë ka filluar kryerja e veprimeve procedurale, për këqyrjen e çdo ambienti ku u zhvillua ngjarja që degradoi në përdorimin e dhunës.
Pas protestës u arrestuan 34 persona dhe u proceduan 18 të tjerë, mes të cilëve edhe Gazmend Bardhi dhe Flamur Noka.
Ditën e martë pritet të jepet masa e sigurisë për të arrestuarit. Burimet i thanë MCN TV se për pjesën më të madhe të të arrestuarve do të kërkohet lirimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
