Ministri teknik i Punëve të Brendshme, Agim Nuhiu ka bërë të ditur se tashmë ka nënshkruar aktet normative me të cilat uniformat e policisë do të kenë mbishkrim në gjuhën maqedone dhe në gjuhën shqipe.
“Nënshkruam aktet normative për emblemat e uniformave të policisë edhe në shqip (Policia e trafikut, Policia kufitare, Njësiti i helikopterëve për detyra policore, Njësiti për detyra të posaçme)!”, shkruan Nuhiu në Facebook.
Uniformat dygjuhësore për policinë, zjarrfikësit dhe punonjësit shëndetësorë në vendet ku jetojnë 20% shqiptarë, është vendosur në Ligjin për Përdorimin e Gjuhëve para 2 viteve me 69 vota “pro” dhe u miratua nga ana e Kuvendit e RMV-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
