Operacioni për shpëtimin e djemve të bllokuar në një shpellë në Tailanda është përmbyllur me sukses.
Sot nga shpella e Tham Luang-ut kanë dalë edhe edhe katër djem të tjerë dhe trajneri i skuadrës.
Sipas autoriteteve shëndetësore tailandeze, katër fëmijët e shpëtuar dje, të moshës 12-16 vjeç, janë në gjendje të mirë shëndetësore.
Dy të tjerë dyshohet se kanë një infeksion pulmonar.
Autoritetet thonë se gjendja e tyre psikologjike paraqitet e mirë, por do të duhet vlerësimi i një psikologu për një përgjigje më të qartë.
Ata pritet në nxirren nga spitali pas një jave.
Shpëtimi i të gjithë fëmijëve shënon një sukses të madh, nëse merr parasysh faktin se situata dukej e pashpresë për 12 djemtë dhe trajnerin e tyre, të cilët 17 ditë më parë mbetën të bllokuar në një zonë të rrethuar me ujë në shpellën nëntokësore. Niveli i ujërave u rrit duke e bërë situatën akoma më të pashpresë. Edhe pas lokalizimit të tyre, ekipeve të shpëtimit iu deshën 8 ditë për të planifikuar dhe vënë në zbatim misionin e shpëtimit.
Operacioni për nxjerrjen e tyre nga shpella vështirësohej nga fakti se ndërhyrja u krye nga zhytësit nën ujë, nëpërmjet një hapësire tepër të ngushtë. Një pjesëtar i forcave special humbi jetën në përpjekje për t’i shpëtuar fëmijët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
