Vizitën e kryeministrit Rama në Azerbajxhan, redaktori i TRT World, Abdulvehap Ejupi, e sheh si një mundësi të mirë për Shqipërinë. Kjo për shkak të potencialit që ka Azerbajxhani në fushën e energjisë. Në studion e lajmeve, përmes një lidhjeje Skype, Ejupi tha se përmes Turqisë, Shqipëria mund të bëhet urë lidhëse për gazsjellësin me burim në detin Mesdhe, pranë brigjeve të Izraelit.
Është një vizitë pak e vonuar. Azerbajxhani është një yll në ngjitje në fushën e energjisë, është Dubai i Kaukazit. Shqipëria nuk ka arritur t’i kapë trendet e zhvillimit. Duhet të kemi parasysh rrethanat në të cilat gjendemi.
Është një botë në hapje dhe Shqipëria i ka mundësitë të përfitojë. Turqia është një derë shumë e madhe për Shqipërinë. I hap rrugë me vendet e Kaukazit dhe me vendet turkike të Azisë Qendrore. Shqipëria mund të përfitojë shumë në aspektin e gazit. Ajo ka mundësi të bëhet urë lidhëse edhe për linjat e tjera të gazit. Europa kërkon rrugë alternative për pavarësinë nga gazi rus. Turqia është kyç në këtë pikë. Gazi i Leviatan është një kapacitet i madh që kalon përmes Turqisë dhe këtu Shqipëria mund ta kapë këtë moment dhe të bëhet urë lidhëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
