Venezuela i ka kërkuar ndihmë gjigantit kinez të teknologjisë, ZTE, për të prodhuar karta identiteti për miliona venezuelianë që nuk kanë dokumentet bazë për veprime si votimi apo hapja e një llogarie bankare. Por ajo që i ka dhënë ZTE Venezuelës është shumë më tepër se kaq.
Kartat e reja të identitetit mund të gjurmojnë sjelljen shoqërore, politike dhe ekonomike të shtetasve venezuelianë. Falë databazave që lidhen me përdorimin e kartës, qeveria mund të monitorojë gjithçka në lidhje me qytetarët, që nga financat personale deri te historia mjekësore dhe votimi.
Në zbatim të një projekti me vlerë 70 milionë dollar, i cili synon rritjen e sigurisë kombëtare, Venezuela nënshkroi një kontratë me ZTE-në vitin e kaluar për krijimin e një database dhe një sistemi pagesash nga celulari.
Nuk kanë qenë të paktë zërat kundër kësaj marrëveshjeje në Venezuelë. Aktivistët e të drejtave të njeriut atje thonë se me këtë mjet të ri në dorën e tij, presidenti Nicolas Maduro do të monitorojë popullsië në shumicën e aspekteve të jetës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
