Deputeti i Lëvizjes Bashkë Redi Muçi tha sot në Kuvend se Endri Shabani po zgjidhet Avokat i Popullit me firmat e PD dhe me votat e PS-së. Ai i konsideroi si qesharake debatet në lidhje me zgjedhjen e Avokatit të Popullit.
“Z.ministër foli për seriozitetin me të cilin e marrim procesin, por për mendimin tim nuk ka gjë më qesharake sesa që kemi 2 orë e 120 minuta ku 140 burra e gra përfaqësues të popullit shqiptar zihen për Endri Shabanin, nuk ka gjë me qesharake se kjo, për një njeri që deri më parë i binte gjoksit si tribuni i partive të reja i cili po luftonte kundër sistemit të kalbur, të vjetër të politikës. Mesa duket sot nga kjo sallë do të dalim me Avokat Populli Endri Shabanin me firmat e PD dhe me votat e PS. Zotërinj të PD kur e quani lepur të Surrelit, pse i hodhët firmat? Për deputetët PS, si e ëmbëlsuat Endrit Shabanin?! Ose më mirë si iu ëmbëlsoi ai juve që do të zgjidhni Avokat të Popullit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
