Kjo e martë shënon ditën e rihapjes totale për Japoninë. Për herë të parë në dy vjet e gjysmë që nga fillimi i pandemisë Covid-19, Japonia po heq kufizimet kufitare.
Nga sot do të hiqet kufiri prej 50 mijë ardhjesh në ditë dhe turistët individualë do të mund të vizitojnë Japoninë edhe nëse nuk i bashkohen një turi të organizuar.
Një program vizash për vizitorët nga 68 vende të botës është rivendosur gjithashtu dhe aeroportet tashmë kanë përvetësuar direktivat për të akomoduar kthimin e turistëve të huaj, të cilët do të duhet të tregojnë ende prova se kanë marrë dozën e tretë të vaksinës, ose të dorëzojnë një rezultat negativ të testit brenda 72 orëve.
Tokio kishte vendosur për kufizime të ashpra për hyrjen për shtetasit e huaj që nuk kishin leje qëndrimi, duke filluar nga shkurti i vitit 2020, si pasojë e rasteve të para të raportuara me Coronavirus në provincën Hubei në Kinë.
Para urgjencës shëndetësore, në vitin 2019 Japonia kishte mirëpritur një numër rekord prej 31.9 milionë turistësh nga jashtë dhe vlerësoi ardhjen e 40 milionë vizitorëve në vitin 2020, viti i Lojërave Olimpike që më pas u shty për në verën e vitit 202.
Ekzekutivi gjithashtu synon të një rikuperim gradual i shpenzimeve konsumatore që përfshin edhe prefekturat më të largëta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
