Eksperti i sigurisë Ilir Kulla tha në studion e emisionit “Zonë e Lirë” në MCN Tv se ndërkohë që negociohej marrëveshje e armëpushimit mes Libanit dhe Izraelit, nga të dyja palët kishte bombardime dhe një numër të lartë viktimash.
Kulla tha se tërheqja e ushtrisë izraelite do të jetë e ngadaltë.
Lajm i mirë sepse do të ndërpritet gjakderdhja. Dje ka pasur shumë viktima në Liban, rreth 100 të vdekur. Ndërkohë që negociohej kishte shumë luftë.
Do vendoset ushtria e Libanit me kufi me ushtarët e OKB. Tërheqja e ushtrisë izraelite do të jetë e ngadaltë. Do të tërhiqet nga lumi i Litanit me ngadalë. Civilët do të kthehen në shtëpitë e tyre. Do të shoqërohet me ndihma humanitare. Me rikthimin e civilëve në Liban, do të rikthehen në shtëpitë e tyre dhe izraelitët.
Bashkë me amerikanët dhe francezët do të monitorojnë tërheqjen e dy palëve dhe vendosje e trupave ndërkombëtare.
Qeveria e Libanit kishte kërkuar nga rusët që të ndërhynte dhe t’i ndihmonte përballë këtij agresioni. Amerikanët që e dinë shumë mirë që rusët edhe mund ta bënin këtë gjë, bashkë me iranianët i kanë kërkuar Netanyahu-t ‘duhet ta kuptosh që zgjedhjet mbaruan, nuk mund të na e sjellësh Rusinë në kufi të Izraelit’.
Ky armëpushim është një dhuratë e madhe që Netanyahu po i bën Trump-it. Po ta bënte para zgjedhjeve do të favorizonte demokratët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
