Një sondazh i ri nga aplikacioni i takimeve për lezbiket, HER , zbuloi se përdoruesit e tij nuk fantazonin domosdoshmërisht për partnerët e tyre kur masturboheshin.
Mbi gjysma e përdorueseve, 56.4% thanë se "mendonin për dikë që e njihnin" - ndërsa vetëm 30.3% mendonin për partneren e tyre.
Shumë studime kanë treguar se si burrat ashtu edhe gratë ndonjëherë fantazojnë për njerëz të tjerë ndërsa bëjnë seks.
E vërteta është se është krejtësisht normale të fantazosh për dikë tjetër, edhe kur fle me një partner, por ka disa gjëra që duhen marrë parasysh.
“Kur fantazitë për dikë tjetër ekzistojnë në mendjen tuaj dhe nuk keni ndërmend të veproni sipas tyre, është në rregull”, thotë terapistja e seksit dhe marrëdhënieve, Rhian Kivits .
"Kjo nuk është tradhti dhe nuk do të thotë që ju nuk e doni partnerin tuaj."
Megjithatë, ajo shton: “Nëse e dini se do të preferonit të ishit me personin për të cilin po fantazoni dhe dëshironi të mos ishit me partnerin tuaj, kjo nuk është në rregull sepse mund të përdorni fantazinë për të përjetuar një marrëdhënie që ju nuk e dëshironi vërtet.'
Pse njerëzit fantazojnë për të tjerët?
Nëse e keni të qartë që e doni partnerin tuaj dhe dëshironi të jeni me të, ndoshta nuk është e dobishme të analizoni më tepër fantazitë tuaja seksuale. Në pjesën më të madhe këto fantazi ndihmojnë në aktivizimin tuaj seksual.
“Fantazia është një aspekt shumë normal i seksualitetit njerëzor dhe njerëzit që e përqafojnë këtë janë shpesh më të hapur seksualisht, më shprehës dhe në paqe me veten e tyre seksuale”.
A duhet t'i tregoni partnerit për fantazitë tuaja?
Vetëm ju e njihni partnerin tuaj aq mirë sa të dini nëse ndarja e fantazive tuaja me të mund të ndihmojë ose dëmtojë marrëdhënien tuaj.
"Mund të ndihmojë në dhomën e gjumit për çiftet që kënaqen të ndajnë së bashku fantazitë e tyre për njerëzit e tjerë.
Ju keni të drejtë për fantazitë tuaja dhe nuk keni pse të ndani gjithçka që fantazoni me partnerin tuaj. Mbani mend se fantazitë janë normale dhe në fakt nuk tregojnë atë që dëshironi në jetën reale.
Sfera e fantazisë shpesh mund të jetë shumë më e larmishme, më e gjallë dhe më ekstreme sesa repertori i rregullt seksual i një personi. Në fakt, shumë njerëz fantazojnë për akte seksuale ose partnerë që nuk do t'i dëshironin kurrë në botën reale.
Për sa kohë që jeni në gjendje të dalloni kufirin midis fantazisë dhe realitetit, jeni në marrëdhënien që dëshironi dhe po shijoni një jetë seksuale të shëndetshme dhe të plotë, gjithçka është mirë.", u shpreh Rhian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
