Ish-kryebashkiaku i Kamzës, Xhelal Mziu, aktualisht deputet i Partisë Demokratike, është paraqitur paraditen e sotme në Prokurorinë e Posaçme, SPAK.
Mziu është thirrur për t’u marrë në pyetje në Prokurorinë e Posaçme Antikorrupsion.
MCN mëson se Xhelal Mziu është thirrur në Spak për të dhënë deklarimet e tij, lidhur me kallëzimin e Rakip Sulit.
Kryebashkiaku aktual kallëzoi Mziun për shpërdorim detyre. Në kallëzimin e tij Suli ka kallëzuar Mziun pasi dyshohet të ketë favorizuar subjekte private, që janë pajisur me leje zhvillimi dhe ndërtimi, duke mos i detyruar të kalojnë 3% të sipërfaqes funksionale për banesa sociale në favor ta Bashkisë.
Referuar ligjit të Urbanistikës, parashikohet që në leje me sipërfaqe 2000 m2, 3% ti kalojë bashkisë për banesa sociale.
Mziu ka drejtuar për tre mandate Bashkinë Kamëz, për t’u zgjedhur më tej deputet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
