Zjarret në pyjet e Kilit, shkon në 51 numri i viktimave

Të paktën 51 persona humbën jetën nga zjarret që përfshinë pyjet në rajonin Valparaiso të Kilit.

Presidenti kilian Gabriel Boriç njoftoi të shtunën, vdekjen e të paktën 46 personave, duke paralajmëruar se numri mund të rritet.

Autoritetet vendosën një shtetrrethim duke filluar nga ora 21:00 e djeshme për të lejuar furnizimet emergjente, veçanërisht karburantet, hyrjen në zonat e prekura.

Kili ka shpallur gjendjen e jashtëzakonshme, ndërkohë që zjarret vazhdojnë të avancojnë, të favorizuar nga kushtet e favorshme atmosferike dhe pavarësisht përpjekjeve të ekipeve të zjarrfikësve. Një mijë shtëpi u dëmtuan dhe 46 mijë hektarë bimësi u dogjën.

Evakuimet e njerëzve, të urdhëruara nga autoritetet kiliane si pjesë e emergjencës si rezultat i gjendjes së katastrofës, janë shumëfishuar në vende të ndryshme ku gjatë gjithë ditës së djeshme ishte në fuqi një shtetrrethimi për të lejuar shpëtimtarët të lëvizin me shpejtësi.

Ndër incidentet më të rënda të orëve të fundit është raportuar shpërthimi i një depozite gazi në Vina del Mar, i shoqëruar me shpërthime të shumta, dhe shkatërrimi i fabrikës së bojës Tricolor dhe uzina kimike pranë, në sektorin El Salto të Zona industriale e Vina del Mar.

Në lidhje me këtë, autoritetet lokale kanë siguruar se është bërë e mundur evakuimi i të gjithë personelit, ndaj nuk raportohet për viktima.