Atentat në Shkodër, një i vrarë dhe një i plagosur

Një vrasje me armë zjarri ndodhi paraditen e sotme në Shkodër.

Ngjarja ka ndodhur në lagjen Rus, ku janë qëlluar dy persona.

Për pasojë, njëri prej tyre ka humbur jetën, ndërsa tjetri është plagosur.

Viktima është 31-vjeçari Fatos Ferracaku dhe ndërsa është plagosur Fatmir Mehaj.

Sipas të dhënave të para, 31-vjeçari është qëlluar me armë zjarri në kokë, gjoks e këmbë dhe ka humbur jetën rrugës për në spital.

Ndërsa i plagosuri ndodhet jashtë rreziku për jetën, pasi plumbat  e goditën në pjesën e legenit dhe kofshë.

Dyshohet se autorët e ngjarjes kanë qenë dy. Ata janë larguar nga vendi i ngjarjes me një motor, i cili është gjetur i djegur në zonën e Livadhës. 

Viktima është i afërm i biznesmenit Arjan Ferracaku, i cili u vra në zonën e Livadhit në Shkodër më 1 shtator. 

Policia ka rrethuar zonën dhe po merr në pyetje dëshmitarët për të zbardhur krimin e rëndë.

Në qytet janë ngritur postblloqe më kapjen e personave të dyshuar apo me armë.