Një ligjvënës ukrainas nga partia e Petro Poroshenkos, i ka thënë Radios Evropa e Lirë, se ai po planifikon të propozoj një ligj që mund t’i shkëpus marrëdhëniet diplomatike me Rusinë.
Ivan Vinnyk, ka folur për shërbimin ukrainas të RFE/RL, pas raportimeve se ai tashmë e ka dorëzuar propozimin i cili ka nxitur kritika në Moskë.
Vinnyk ka thënë për RFE/RL se ende nuk e ka dorëzuar amandamentin për shkëputje të marrëdhënieve diplomatike të Ukrainës me Moskën, po ai ka thënë se do ta bëjë një gjë të tillë.
Një propozim i tillë do të “detyroj kabinetin e ministrave, që brenda tre muajve nga dita e hyrjes në fuqi, të ndalojnë dhe tërheqin nënshkrimin për krijimin e marrëdhënieve diplomatike në mes të Ukrainës dhe Rusisë”, tha Vinnyk.
Ministria e Jashtme e Ukrainës nuk ka komentuar ende rreth këtij plani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
