Prokuroria e Posaçme me miratimin e gjykatës ka ushtruar kontrolle në një tjetër ambient që përdorej nga shoqëria “Harabel” ku bashkëthemeluese është bashkëshortja e Erjon Veliajt, Ajola Xoxa.
Mësohet se kontrolli është ushtruar në ambientet e një apartamenti që ndodhet në kryeqytet.
Kontrolli është ushtruar nga agjentët e BKH të mbështetur nga efektivë të policisë, ndërsa vendimi i kontrollit është dhënë më datë 14 janar.
Më herët, më 6 dhjetor 2024 SPAK ushtroi kontroll në kompanitë e Ajola Xoxës si dhe Arbër Veliajt, vëllait të Erjon Veliajt.
Hetuesit sekuestruan edhe celularët e tyre, si dhe të disa personave të tjerë lidhje miqësore e çiftit Veliaj-Xoxa.
Kryetari i Bashkisë së Tiranës u mor në pyetje në fund të dhjetorit për më shumë se 5 orë.
Më pas në një dalje publike i zgjedhuri vendor deklaroi se po hetohet mbi një denoncim të dorëzuar nga Nesti Angoni, një person që sipas tij nuk ekziston.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
