Drejtoria e Shërbimit të Trupit Diplomatik ka shpallur tenderin me objekt “Rifreskim i logos së DSHTD”, me fond limit 2.9 milionë lekë dhe vlerë kontrate 2 milionë lekë.
Pavarësisht se tenderi bën pjesë tek prokurimet me vlerë të vogël, në dokumente nuk ka asnjë argument se përse Drejtoria e Shërbimit të Trupit Diplomatik, e cila e ka një logo zyrtare kërkon rifreskimin e saj.
Bazuar në dokumentet e tenderit thuhet :
Ngjyrat përfaqësuese të logos janë ngjyrat që përfaqësojnë “diplomacinë/shërbimet”
Logo duhet të shoqërohet nga një ikonë dhe emri i plotë i institucionit.
Logo duhet të jetë unike dhe bashkëkohore
Të përcjellë vlerat, vizionin dhe misionin e DSHTD-së.
Të përçojë një mesazh të qartë
Të jetë e dallueshme, e lehtë për tu mbajtur mend dhe ti rezistojë kohës
Në fakt, edhe logoja ekzistuese e kwtij institucioni i përmban të gjitha këto kërkesa.
Sipas tyre logoja e re duhet të jetë e aplikueshme në:
- Fotografi/video
- Kartvizita
- Billboard dhe citylight-e
- Poster
- Bllok Shënimesh
- Çanta
- Stilolaps/ Lapës
- Formularë/Shkresa
Drejtoria e Shërbimit të Trupit Diplomatik, institucion në varësi të Ministrisë për Europën dhe Punët e Jashtme prej vitesh ofron shërbim ndaj përfaqësive diplomatike si dhe organizatave, projekteve dhe fondacioneve të huaja, të cilat kryejnë veprimtarinë e tyre në godinat e administruara nga kjo drejtori.
Ndryshimi i logos së institucionit, me vlerë 2 milionë lekë do të shoqërohet edhe me kosto të tjera , pasi pas kësaj do të lind nevoja për ndryshimin e të gjitha objekteve me logon e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
