Këtë të dielë Mali i Zi mban raundin e dytë të zgjedhjeve presidenciale.
550 mijë malazezë kanë të drejtë vote deri në mbylljen e qendrave të votimit, në orën 20:00. Kandidatët që kaluan raundin e parë dhe kërkojnë mandatin 5-vjeçar janë Milo Gjukanoviç dhe Jakov Milatoviç.
Gjukanoviç është një prej njerëzve më dominues në skenën politike malazeze. 61-vjeçari është presidenti aktual i vendit dhe udhëheqës i Partisë Demokratike të Socialistëve.
Gjukanoviç është parë si aleat i Perëndimit dhe kundërshtar i ndikimit rus.
Nga ana tjetër Milatoviç është kandidati i Lëvizjes Evropa Tani, parti e themeluar një vit më parë. Disa nga partitë që mështetin Milatoviçin janë pro ruse ndonëse ky i fundit është shprehur pro anëtarësimit në BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
