Shtetet e Bashkuara janë kundër operacionit të paralajmëruar izraelit në Gaza.
Kështu deklaroi zëdhënësi i sigurisë kombëtare John Kirbi gjatë një konference për mediat.
Në lidhje me pikat kufitare Rafah dhe Kerem Shalom, Kirbi tha: Ato duhet të rihapen sa më shpejt.
Presidenti amerikan Joe Biden ripohoi angazhimin e tij "të hekurt" ndaj Izraelit, edhe kur ka mosmarrëveshje, dhe siguroi se në universitetet amerikane, të tronditur prej javësh nga protestat kundër luftës në Gaza, nuk ka vend për antisemitizëm.
"Angazhimi im për sigurinë e popullit hebre, sigurinë e Izraelit dhe të drejtën e tij për të ekzistuar si një shtet i pavarur hebre është i palëkundur. Edhe kur ne nuk pajtohemi", tha ai në një fjalim në një ceremoni në Capitol Hill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
