Dukagjin Lipa tentoi ta çojë në Botëror të bijën pa dijeninë e saj

Disa emaile të bëra publike në mediat britanike kanë zbuluar sesi babai i Dua Lipës ka kontaktuar zyrtarët e Kupës së Botës dhe ka kërkuar që të ndihmojë në organizimin e ceremonisë së hapjes së turneut.

Në mesazhet e para, Dukagjin Lipa, i cili drejton agjencinë e komunikimit “Republika” dhe përfaqëson vajzën e tij, ofroi të të bëhej ura lidhëse e organizatorëve me këngëtarët, ndërkohë që Dua Lipa mendohet të mos ketë qenë në dijeni të veprimeve të babait të saj.  

Emailet tregojnë se si babai i këngëtares me origjinë nga Kosova, i njohur si Dugi, iu shkruajti për herë të parë organit organizues të Kupës së Botës të Katarit, Komitetit Suprem për Dorëzimin dhe Trashëgiminë, në vitin 2020.

Në mesazhet, të cilat zhvillohen gjatë gati dy viteve, 53-vjeçari thotë 'Unë përfaqësoj vajzën time' dhe mburret me suksesin e saj.

Ai gjithashtu flet për lidhjet e tij me artistë të tjerë në krye si Calvin Harris, Miley Cyrus, Shaën Mendez dhe Camila Cabello.

Dua Lipa më vonë tha se refuzoi të luante në ceremoninë e hapjes për shkak të historisë së të drejtave të njeriut në Katar, ndërsa Lipa tha për Daily Mail të dielën se nuk ishte në dijeni të kontaktit të babait të saj me organizatorët. 

Në emailin e tij fillestar më 9 mars 2020, ai shkroi: "Unë përfaqësoj vajzën time, artisten Dua Lipa dhe kam dëshirë të diskutoj me Komitetin e Lartë planet për shfaqjet e artistëve për Kupën e Botës në Katar 2022".

Në janar 2021, ai shkroi: "Duke iu referuar dhe emailit tim të mëparshëm doja t’iu pyesja nëse do të ishte e mundur që ne të diskutonim çdo mundësi që do të lindte.”

"Së fundmi kishim një koncert live me këngët e albumit të ri të Dua-s si dhe performancën e artistëve të tjerë që mblodhi gati 5 milionë njerëz, që ishte më i madhi ndonjëherë në botë për një ngjarje live." 

Një anëtar i komisionit u përgjigj: 'Është fantastike të komunikohem nga ju dhe e di se Dua ka gjithmonë interes.'

Në një deklaratë, Dugi tha: “Në vitin 2020 kam pasur disa shkëmbime me email me ekipin e marketingut të Kupës së Botës të Katarit në kapacitetin tim personal si organizator i festivalit.

Dua nuk ishte e përfshirë apo në dijeni për ato biseda. Kur u prezantova, u dhashë atyre CV time të plotë që përfshinte përfaqësimin tim të Dua-s. Por unë sqarova se nuk po flisja me ta me mendjen e saj dhe e bëra shumë të qartë kur më pyetën nëse pyetjet e mia kishin të bënin me Duan.

Kjo ishte në fillim të vitit 2021, në një kohë kur Katari kishte bërë disa premtime (që nga fitimi i kontratës së Kupës së Botës) për të reformuar ligjet e tyre të punës dhe për të ndryshuar të ligjet e tyre të të drejtave të njeriut. Ndërsa biseda vazhdoi dhe Kupa e Botës po afrohej, u bë shumë e qartë se këto premtime nuk do të respektoheshin, kështu që unë ndalova së foluri me ta. 

“Që atëherë më kanë kontaktuar disa njerëz të lidhur me Kupën e Botës të Katarit, për të cilët e kam bërë të qartë se Dua NUK do të merrte pjesë”.

Në prill të atij viti, Lipa shprehu ankthin e tij për negociatat, duke thënë: "Ata mu afruan... me një kërkesë specifike për Dua Lipën në ceremoninë e hapjes dhe doja ti vija në dijeni dhe të sigurohesha që unë nuk isha personi i duhur për të diskutuar pjesëmarrjen e saj”.

Zbulimet vijnë pas deklaratës së fundit të Dua Lipës, e cila u publikua për 87 milionë ndjekësit e saj në Instagram, duke pretenduar se një performancë në turneun e Katarit nuk ishte kurrë e rëndësishme për të.

Muajin e kaluar këngëtarja 27-vjeçare tha: “Aktualisht ka shumë spekulime se unë do të performoj në ceremoninë e hapjes së Kupës së Botës në Katar. Unë nuk do të performoj dhe as nuk kam qenë ndonjëherë e përfshirë në ndonjë negociatë për të performuar.'

Komentet e saj u duartrokitën nga aktivistët e të drejtave të njeriut, pas polemikave që rrethuan turneun e futbollit mbi trajtimin e punëtorëve migrantë nga Katari dhe kriminalizimin e marrëdhënieve të të njëjtit seks. 

Në një intervistë javën e kaluar me Variety, këngëtarja e Cold Heart – e cila kohët e fundit bëri duet me Sir Elton në skenën në Los Angeles – tha se ngjarja e Katarit 'shkon kundër besimeve të saj.