Serbia pritet të nisë ditën e sotme vaksinimin e popullatës me vaksinën Pfizer/BioNTech.
Mediat vendase bëjnë me dije se kryeministrja serbe, Ana Bërnabiq, do të jetë ndër personat e parë që do të marrë dozën e parë të kësaj vaksine.
Në 22 dhjetor, Serbia ka marrë rreth 5000 doza të Pfizer, ndërkohë që Presidenti Aleksandar Vuçiq, ka deklaruar se fillimisht do të vaksinohen të moshuarit të shtëpitë e kujdesit.
“Është e rëndësishme që të mbrojmë këta njerëz, më shumë se 80 për qind e personave që kanë vdekur nga ky virus i tmerrshëm janë të moshuar dhe ata janë më të rrezikuarit”, ka thënë ai.
Pritet gjithashtu që Serbia të marrë rreth 80,000 çdo muaj, ndërkohë që ende nuk është konfirmuar miratimi i vaksinës së prodhuar nga Rusia, Spuntik V, si edhe vaksinën kineze, Sinopharm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
