Autoritetet britanike kanë ndalur një grant prej më shumë se 2 milionë sterlina për një xhami në Birmingham, Angli, pasi një nga imamët e saj shpjegoi në një predikim se si të vriteshin me gurë gratë kurorëshkelëse.
Xhamia Green Lane është e njohur për qëndrimet e saj ekstremiste mbi homoseksualitetin dhe të drejtat e grave.
Videoja e imamit Zakaullah Saleem përfundoi në rrjetet sociale, duke u bërë virale dhe duke shkaktuar zemërim aq të madh, aq sa policia intensifikoi patrullimet rreth objektit të adhurimit, siç raportohet nga mediat vendase.
Udhëheqësit e xhamisë u mbrojtën duke thënë se klipi ishte nxjerrë jashtë kontekstit sepse ai “po tregonte të gjithë historinë e sheriatit (ligjin islam) dhe dënimet e bëra ndaj grave”.
Ai në asnjë mënyrë nuk e përkrahte dhunën, tha një zëdhënës i xhamisë.
Në asnjë moment imami nuk bëri thirrje për zbatimin e sheriatit. Ne besojmë se është nxjerrë qëllimisht jashtë kontekstit.
Ndërkaq, drejtoria e kulturës, mediave dhe sportit ka “pezulluar” ndarjen prej 2.175 milionë paund që ishin të destinuara për xhaminë, për një qendër rinore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
