Gjykata e Tiranës ka vendosur masën e sekuestros për pasuritë e dy të dënuarve Ardian Bitraj dhe Mimoza Bruzia. Me këtë masë, gjykata synon kthimin mbrapsht të parave të vjedhura në Bankën e Shqipërisë, ku dy të dënuarit kanë qenë punonjës. Pas vjedhjes banka paditi Ardian Bitrajn dhe Mimoza Bruzian për kthimin e shumës, 713 milionë lekë. Bitraj dhe Bruzia janë dënuar me nga 20 vite burg për vjedhje e thesarit të Bankës së Shqipërisë në zonën e Linzës.
Pas hetimit të skandalit nga prokurori Ramadan Toci në pranga përfundoi dhe ish-guvernatori i Bankës, Ardian Fullani, por procedimi ndaj tij u mbyll pasi gjykata e shkallës së parë dhe ajo e Apelit i dhanë atij pafajësinë. Kjo pafajësi nuk u apelua nga prokuroria me rekurs në Gjykatën e Lartë duke sjell për pasojë të drejtën e Fullanit për të kërkuar dëmshpërblim dhe rikthim në detyrë, por gjykata administrative i njohu ish-guvernatorit vetëm 12 paga kompensim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
